Prezidente IGEADI, I.P. orienta brigada daitula atu bele normaliza mota bikarin hodi salva populasaun husi inundasaun. Sexta-feira (06/02/2026).
VIQUEQUE, 06 de Fevereiru de 2026 Udan boot ne'ebe akontese iha Postu Administrativu Vikeke Vila, Munisipiu Vikeke, iha fulan kotuk hamosu inundasaun, mota Bikarin tama Populasaun nia uma hamutuk suku Tolu no estraga komunidade nia platasaun ne'ebé kuda iha toos laran.
Ho akontesimentu autoridade lokál suku Bibileo, Bahalarauain no Suku Luka, hato'o kedas pedidu ba Institutu Gestaun Ekipamentus no Apoiu Dezenvolvimentu Infraestrutura Institutu Públiku (IGEADI, I.P), hodi halo normalizasaun, atu nune udan boot komunidade sira husi suku tolu bele hakmatek.
Hafoin simu pedidu husi Autoridade Lokal Suku tolu, Bibileo, Bahalarauain no Luka, Prezidente (IGEADI, I.P), Dra. Ana Paula da Cruz, orienta kedas Brigada Daitula, tun ba terenu hodi halo normalizasaun ba mota Bikarin, iha Postu Administrativu Vikeke Vila, Munisipiu Vikeke.
Iha Sexta-Feita (06/02/2026), ekipa IGEADI, I.P ne'ebé lidera husi Prezidente (IGEADI, I.P), Dra. Ana Paula da Cruz, akompaña husi, Vogal I Almeiro C Cairo, Diretor Nasional Servisu Koorporativas, Diamantio de Carvalho, desloka ba terenu iha Munisipiu Vikeke, hodi observa direita ekipa Brigada Daitula, halo servisu normalizasaun iha mota Bikarin.
#MEDIA_IGEADI, I.P.