Presidente do Konsellu Administrasaun IGEADI, I.P. Sra. Ana Paula da Cruz hamutuk ho nia Membro partisipa iha reflesaun ba susesu no dezafiu servisu tinan 2025, prepara ezekuta planu no programa tinan 2026 no simu distribuisaun pakote fiskal OJE 2026 ne’ebe organiza husi MOP iha Salaun Delta Nova.
DILI, Sexta-Feira 30 de Janeiru 2026- Konsellu Administrasaun IGEADI, I.P. lidera husi Prezidente Dra,Ana Paula da Cruz no akompaña husi Vogal Almeiro C Cairo Alves, Diretor Ezekutivu Eng, Sonio Anuno S da Silva no Diretor Nasional Servisu Koorporativas, Diamantio de Carvalho, partisipa iha reflesaun ba susesu no dezafiu servisu tinan 2025, prepara ezekuta planu no programa tinan 2026 no simu distribuisaun pakote fiskal OJE 2026, Ministériu Obras Públikas, ne’ebe realiza iha salaun Delta Nova Díli, Sexta-Feira (30/01/2026).
Iha sesaun reflesaun ne’e lidera hosi Ministru Obras Públikas (MOP) Samuel Marçal no partisipa hosi Sekretáriu Estadu Eletrisidade Bee no Saneamentu (SEEAS) Santos Noronha, Prezidente I.P. no E.P. tutelada sira, inklui Diretor Nasional no Kargu xefia (MOP).
Liu husi nia intervensaun MOP Samuel Marçal agradese ba servisu, esforsu no dedikasaun tomak funsionáriu hotu-hotu iha tinan 2025, tanba nee ezekusaun iha tinan 2025 atinje 94%
Aleinde nee lideransa masimu iha Ministeriu Obras Publika ne’e mos husu ba funsionáriu hotu-hotu, atu labele kontenti ka senti puas ho ezekusaun OJE tinan 2025 maibe nafatin hakas aan servisu iha tinan 2026 para ezekusaun OJE la’o diak nafatin hanesan tinan kotuk.
#MEDIA_IGEADI,I.P.