Presidente do konsellu IGEADI, I.P. hamutuk ho MOP partisipa serimonia lansamentu projetu iha Ermera. Council IGEADI , I.P. together with MOP participated in the project launch ceremony in Ermera.
ERMERA, 26 Janeiru 2026 - Prezidente Institutu Gestaun Equipamentus no Apoiu Dezenvolvimentu Infraestrutura, Institutu Públiku (IGEADI. I.P) Dra. Ana Paula da Cruz, akompaña husi Vogal Adelina de Andrade, Vogal Almerio C Caeiro Alves no Diretor Nasional Servisu Koorporativas, Diamantio de Carvalho, iha segunda-feira (26/01/2026), partisipa seremonia lansamentu estrada Gleno ba Letefoho no Estrada Urbana Ermera Vila.
Seremonia lansamentu ba projetu Rehabilitasaun estrada nasional Gleno ba Letefoho no estrada urbana Ermera Vila, prezide hosi Primeiru-Ministru (PM), Kay Rala Xanana Gusmão no akompaña husi Membru Governu sira.
Liu husi nia diskursu, Primeiru-Ministru husu bá populasaun iha munisípiu Ermera liu-liu iha postu administrativu Gleno no Letefoho atu labele halo impedimentu bá projetu nee nune’e kompañia bele servisu lalais tuir tempu ne’ebé Governu determina ona.
" Husu ba Populasaun iha munisípiu Ermera liu-liu iha postu admnistrativu Gleno no Letefoho atu labele halo impedimentu ba projetu nee nune’e kompañia bele servisu lalais tuir tempu neebe Governu determina ona."
" Desde tinan 2011 aprova ona Planu Estratéjiku Dezenvolvimentu Nasionál (PEDN) 2011-2030 iha Parlamentu Nasionál, infraestrutura bázika nee importante tebtebes maka estrada no ponte atu bele dezenvolve seitór hotu-hotu, Infraestrutura bázika nu’udár aliserse bá dezenvolvimentu, bainhira estrada to’o suku no aldeia labarik sira bele bá eskola, asesu bá saúde no hala’o atividade sira seluk," dehan PM, Kay Rala Xanana Gusmão,"
Xefe Governu nee akresenta, durante nee povu Ermera hein kleur duni, maibe iha tinan kotuk Igreja fo hatene katak esperansa sei la bosok, nee duni iha difikuldade halo oinsa mos sei iha esperansa, tinan 24 nia laran ho difikuldade oioin ema barak mate, terus, hamlaha, moras, maibe esperansa sei la bosok no ita ukun aan duni.
Iha fatin hanesan Ministru Obras Públikas, Samuel Marçal hateten prioridade Governu mak hadia estrada rurál, maibé prosesu konstrusaun presiza tuir estudu tékniku, dezenhu no lei aplikável hodi assegura kualidade.
" Projetu Rehabilitasaun estrada nasional Ermera ba Gleno no estrada urbana Ermera Vila, laos esforsu MOP deit, maibe rezultadu hosi servisu hamutuk entre instituisaun estadu sira no Banku Mundiál. Se komunidade fo koperasaun diak, estrada Gleno–Letefoho no estrada urbana Ermera Vila, bele konklui iha tinan 2027,"
Membru Governu nee husu ba Joven sira iha Munisípiu Ermera, karik hakarak servisu mai hasoru kompaña tau naran para servisu, labele halo hanesan iha fatin seluk kaer kompaña sunu, no tuda rahun no halo impedimentu.
Also, the President of the Municipal Authority (PAM) Ermera, José Martinho dos Santos on behalf of the population of Ermera would like to thank all parties who strived and worked hard, in which in the end managed to realize the launch and sign the contract. led the people of Ermera to thank all parties who have made efforts and hard work, that finally can realize the launch and sign the contract.
Nune’e mós Prezidente Autoridade Munisípiu (PAM) Ermera, José Martinho dos Santos lori povu Ermera agradese bá parte hotu-hotu ne’ebé hala’o ona esforsu ho servisu maka’as ikus mai realiza duni lansamentu no asina kontratu.
" Estrada Gleno ba Letefoho no Estrada Urbana Ermera Vila, sei benefisia populasaun sira hamutuk 54.000 hosi postu administrativu-haat ne’ebé pertense bá munisípiu ne’e."
Projetu estrada urbana no drainajen Gleno sei konstrui ho pakote rua ho durasaun tinan-ida, pakote ida ho orsamentu $2,640,762.21 no pakote 2 ho orsamentu $3,214,929.67. Empreza ne’ebé responsabiliza maka Shabryca Construction UNIP.LDA ne’ebé superviziona hosi Ministériu Obras Públikas.
#MEDIA_IGEADI, I.P.