Komisaun E Parlamentu Nasional ne’ebe mak trata Assuntu Infraestrutura halo fiskalizasaun ba Kampaun Sentral IGEADI, I.P. iha Hera. (KINTA-FEIRA, 26/02/2026).ompound of IGEADI, I.P. in Hera. (THURSDAY, 02/26/2026).
DILI, 26 de Fevereiru de 2026 - Komisaun E trata assuntus Infraestruturas, ne’ebe lidera husi Prezidente Komisaun, Deputadu Marcos Xavier, akompaña husi membrus komisaun E, halo fiskalizasaun ba Kampaun Sentral IGEADI, I.P Hera, hodi observa direitamente ekipamentus pezadus sira no hala’o reuniaun mos ho estrutura Konsellu Administrasaun IGEADI, I.P, Diretores nomos kargu xefia sira. Hafoin remata reuniaun Prezidente Komisaun E trata Assuntus Infraestrutura, Deputadu Marcos Xavier, hatene deputadu no deputada barak, iha reuniaun Plenaria iha Parlamentu Nasional, apresia tebe-tebes ba servisu IGEADI, I.P. nian.
" iha loraik ne’e ami mai to'o tiha IGE, ami mai observa diretamente ekipamentus pezadus sira no halo enkontru ho Prezidente IGEADI ho nia Vogal sira no Diretor no kargu Xefia sira, " tenik Prezidente Komisaun E Trata Assuntus Infaraestrutura, Marcos Xavier.
" iha loraik ne’e ami mai to'o tiha IGE, ami mai observa diretamente ekipamentus pezadus sira no halo enkontru ho Prezidente IGEADI ho nia Vogal sira no Diretor no kargu Xefia sira, " tenik Prezidente Komisaun E Trata Assuntus Infaraestrutura, Marcos Xavier.
Deputadu ne’e apresia ho Konsellu Administrasaun IGEADI, I.P. ne'ebe lidera husi Prezidente, Dra. Ana Paula da Cruz ne'ebe fo informasaun klean ba Komisaun E Parlamentu Nasional.
" IGE mos iha orsamentu cinco milhões, atu sosa tan ekipamentus pezadus sira, tanba sira nia ekipamentus balun tuan ona, tempu UNTAET nian, ne'ebé maka Japaun sira oferese mai IGE, balun sei diak no balun aat ona. Tuir informasaun ne'ebe ami akumula, ekipamentus pezadus IGE total hamutuk duzentus (200), resin, maibe ida halo operasaun ne’e kala sentu (100) resin deit, tanba ne’e maka sira tau osan atu hola tan ekipamentus pezadus foun para uza ba halo servisu emergensia no servisu sira seluk, " dehan nia.
Prezidente Komisaun E ne’e mos husu ba IGE, hanesan nain ba projetu sosa ekipamentus pezadu, iha prosesu tenderizasaun tekniku sira husi IGE tenki akompaña nafatin no husu sai mos Juri ba prosesu tenderizasaun nee.
Deputadu ne’e rekomenda ba Konsellu Administrasaun IGEADI, I.P, atu prepara fardamentu no ekipamentu protesaun servisu ba funionarius nomos operadores sira, tanba fiskalizasaun komisaun E ba munisipiu, hare’e operador sira la uza ekipamentus protesaun iha servisu fatin.
Iha fatin hanesan Prezidente IGEADI, I.P, Dra. Ana Paula da Cruz hateten, komisaun E mai halo vizita mai IGEADI, I.P. ho objetivu ida atu hare’e besik liu IGEADI, I.P. nia servisu ne'ebe maka IGEADI, I.P. halo no mai hare mos ekipamentus hirak ne'ebe maka destaka iha IGE.
" Ohin Komisaun E mai halo vizita ba IGEADI, I.P ho objetivu ida atu hare besik liu IGEADI, I.P nia servisu ne'ebe maka IGEADI, I.P halo no mai hare mos ekipamentus hirak ne'ebe maka destaka iha IGE, tanba agora iha tenpu udan, IGE nia servisu nee to'o iha ne'ebe no utilizasaun makina sira ne’e masimu ga lae," dehan Prezidente IGEADI, I.P, Dra. Ana Paula da Cruz.
Prezidente IGEADI, I.P ne’e akresenta, tenpu udan ho makina limitadu maibe ekipa bridaga sira ho makina pezadus destaka ona iha teritoriu nasional, bainhira akontese dezastre naturais IGE ho lalais halo normalizasaun.
" Hare ba Governu nia seriedade ba servisu IGE nian tanba nee governu mos investe ona orsamentu lubuk bo'ot ida ba IGE para atu sosa tan makina, hau hanoin tinan oin IGE sei servisu diak liutan, tanba hau nia politika ida mak hau hakarak munisípiu ida tenki ba ho ekipa ida, para mosu inundasaun ekipa IGE bele halo normalizasaun lalais, hodi proteje komunidade sira husi risku dezastre naturais. ita hatene katak ita nia rai Timor, tinan sanulu ba kotuk kuandu udan bo'ot bee deit mak mai, maibe ikus-ikus nee udan, bee lalin rai-henek, lalin fatuk no ai," dehan Prezidente IGEADI, I.P.
Prezidente nee hatutan konaba rekursu umanu liu-liu operadór IGE laiha problema, tanba foin lalais Parlamentu Nasionál aprova lei ba IGE, atu fo biban ba IGE hodi loke formasaun ba Timoroan sira hodi sai operadór ba ekipamentus pezadus altu risku.
Hatan ba rekomendasaun deputadu sira nian konaba fardamentu no ekipementu protesaun servisu ba funsionáriu no operador sira, Prezidente IGEADI, I.P. ne’e dehan, fin de fulan Novembru IGE bele hetan ona fardamentu, para distribui ba ekipa bridaga sira uza hodi servisu, atu nune ema bele hatene IGE mak halo servisu emergensia
" Fin de Novembru ami bele hetan fardamentu, para ekipa sira ba servisu nee ho kedas uniforme para ema hatene IGE mak ida ne’e, tanba makina husi Kompaña mos barak," dehan nia
Relasiona ho kombustivel, prezidente ne’e reafirma IGE laiha problema ho kombustivel tanba durante nee IGE halo jestaun diak tebes ba uzu kombustivel.
Durante hala’o reuniaun ho IGEADI, I.P. Deputadu no Deputada Komisaun E apresia no hato’o agradese wain ba lideransa Prezidente IGEADI, I.P Dra. Ana Paula da Cruz, ne'ebe hanesan feto ida halo mudansa no progresu ne’ebé di’ak tebes iha jestaun ekipamentu no servisu IGE nian. Dedikasaun hatudu katak lideransa feto hola parte mos ba dezenvolvimentu infraestrutura iha Timor-Leste.
Lideransa IGEADI, I.P, ne'ebe akompaña Prezidente IGEADI halo reuniaun ho Komisaun E maka hanesan, Vogal Adelina de Andrade, Diretor Ezekutivu IGEADI, I.P, Eng. Sonio Anuno S da Silva, Asesor IGEADI, I.P, Joanico Gonçalves, Diretor (DNMET), Dionisio R. Guterres Belo, Diretor (DNLA), Elder da C. Ximenes, Diretor (DNGEO), Luis Ximenes dobCarmo, Diretór (DNSC), Diamantio de Carvalho.
#MEDIA_IGEADI, I.P.