K.A Igeadi, I.p ho ekipa halao audensia ho Komisaun E Parlamentu Nasional hodi aprezenta esbosu Lei kona ba formasaun, sertifikasaun no lisensiamentu ba ekipamentu altu risku. Kuarta-Feira (9/01). Parliament to present the draft Law on training, certification and licensing of high risk equipment. Wednesday (9/01).
Dili, 09 Janeiru 2025 (IGEADI.IP) - Institutu Gestaun Ekipamentus no Apoiu Dezenvolvimentu Infraestrutura, Institutu Publiku (IGEADI.IP). Lidera husi Prezidente Dra. Ana Paula da Cruz, iha loron Kuarta-Feira (9/01/2025), halao audensia publika ho Deputadus Parlamentu Nasional Komisaun E asuntus Infraestrutura, hodi aprezenta Planu Servisu no Lei foun hodi fortifika no habelar kompetensia IGEADI,IP ne’ebé haktuir ona iha Lei Numeru 14/2022 de 24 de Outubro.
Liu-husi nia intervensaun Prezidente IGEADI.IP Dra Ana Paula da Cruz, hateten iha fulan neen ba kotuk IGEADI.IP mai hasoru Deputadus Komisaun E, hodi aprezenta Planu Servisu IGEADI nian, kona ba loke Formasaun, Sertifikasaun no fo’o Lisensiamentu ba operadór ekipamentus servisu ho risku a’as, estandar Internasional, maibe deputadus Komisaun E preukupa no kestiona ituan tanba Lei laiha atu atribui ba IGEADI atu hala’o nia planu sira ne’e.
" Ohin ami mai hasoru Komisaun E aprezenta planu servisu no Lei foun ne’ebé ami prepara ona hodi fo’o forsa ba IGEADI atu hala’o nia servisu tuir planu, ita hatene katak Lei ida anterior fo’o biban ba IGEADI atu konserva deit makina no fo’o re-entabilizasaun, labele halo servisu seluk, tamba ida ne’e maka ohin ami mai aprezenta Lei foun ne’ebé fo’o biban ba IGEADI, atu hala’o nia servisu tuir planu ne’ebé antes nee ami aprezenta ona," tenik Prezidente IGEADI.IP. Dra Ana Paula da Cruz.
Prezidente IGEADI.IP ne’e hatutan, antes ne’e IGEADI halo ona Formasaun, Sertifikasaun no Lisensiamentu ho estandar Internasional ba Operadór ekipamentu serbisu ho risku a’as, maibe Lei seidauk iha hodi fo’o biban ba IGEADI atu hala’o nia servisu, tamba ne’e Lei foun ne’ebé iha sei fo’o biban ba IGEADI, atu hala’o servisu tuir planu ne’ebé prepara ona.
#Media_IGEADI, I.P.