PM- Kay Rala Xanana Gusmão observa Ekipamentu Pezadu doasaun husi Governu Japaun iha Kampaun Sentral IGEADI, I.P. iha Kolmera Dili.
Dili, 27 Agustus 2025 (IGEADI.IP) - Povu Japaun liu husi nia Embaixada iha Timor-Leste no Japan International Cooperation Agency (JICA) apoiu ekipamentus pezadus hamutuk unidade 26 ba Povu Timor-Leste. Dili, 27 Agustus 2025 (IGEADI.IP) - Povu Japaun liu husi nia Embaixada iha Timor-Leste no Japan International Cooperation Agency (JICA) apoiu ekipamentus pezadus hamutuk unidade 26 ba Povu Timor-Leste.
Liu husi nia diskursu Prezidente Institutu Gestaun Equipamentus no Apoiu Dezenvolvimentu Infraestrutura, Institutu Publiku (IGEADI.IP) Dra, Ana Paula da Cruz, husu agradese ba povu Japaun, tamba apoiu ona ekipamentus pezadus hamutuk unidade 26 ba povu Timor-Leste, liu-liu hodi fo apoiu ba nasaun nia programa redusaun risku dezastre natural.
" Ohin ita hotu halibur iha fatin kmanek ida ne’e, nudar sasin ba momentu signifikativu ba solidaridade ba kooperasaun entre nasaun Timor-Leste no Japaun, biban ida nee marka aktu genorosidade doasaun ekipamentus pezadus hamutuk 26 unidades husi povu Japaun mai povu Timor-Leste, liu-liu hodi fo apoiu ba nasaun nia programa redusaun risku dezastre natural, " Tenik Prezidente IGEADI.IP Dra Ana Paula da Cruz liu husi nia diskursu iha serimonia entrega ekipamentus pezadus iha Kampaun Central IGEADI.IP Kolmera Dili, Tersa-Feira (27/08/2024).
Prezidente IGEADI.IP ne’e salienta, Povu Japaun entrega simbolikamente Excavador 10 nia marka Cobelco ho nia kapasidade hanesan Excavador Long PC 220 unidade tolu Excavador Standard PC 200 unidade tolu kompletu ho Jack Hammer tolu, mini Excavador PC 50 hamutuk unidade ha’at no iha tempu badak IGEADI.IP sei simu tan unidades 16 mak hanesan Loder ida Bulldozer rua, motor Grader ida, Vibro tolu, Kareta hamos drainagen rua, Tronto ha’at no Dump Truck haat.
" Ekipamentus pezadus hirak ne’ebé mak ohin ita simu husi doasaun sai nudar instrumentu importante ida iha aspetu oioin ne’ebé liga ba preparasaun no situasaun resposta hasoru dezastre natural, ekipamentus hirak ne’e sei tulun Dezenvolvimentu Infraestrutura no apoiu aktividade esensial sira seluk ne’ebé krusial tebes wainhira akontese dezastre natural, doasaun ida ne’e mos sei ajuda salva povu nia moris, garante restaurasaun ba fasilidade infraestrutura ne’ebé presija hodi apoiu aktividade ekonomia povu Timor-Leste, no proteze sira nia moris sustentabilidade, dehan Prezidente IGEADI.IP
Iha fatin hanesan Embaixador Japaun ba Timor Leste, Dr. Tetsuya KIMURA hateten , Onra boot ida ba nia, ohin mai hamutuk hodi entrega makina pezadus sira ba IGEADI.IP, liu-liu ba povu Timor-Leste, iha fulan ida ne’e Vise Ministru Parlamentar ba Asuntus Negosiu Estrajeiru Japaun nian, Sr. KOMURA halo vizita ofisial mai Timor-Leste, hodi enkontru ho Primeiru Ministru, Kay Rala Xanana Gusmão, durante enkontru Sr KOMURA hato’o ninia apresiasaun kolorozu, hodi hatete katak japaun la’o ona ho Timor-Leste.
" Loss duni, ita nia kooperasaun iha istoria ne’ebé naruk, no tinan ida ne’e signifikativu liu tamba marka aniversariu ba dala-25 husi enkontru parseiru dezemvolvimentu dahuluk, ne’ebé hala’o iha Tokio iha tinan 1999, ita nia kooperasaun iha setor infraestrutura mos iha abut ne’ebé klean. Japaun Koloka PKO ida ba Timor-Leste, husi fulan Marsu 2002 hodi kontribui ba Dezenvolvimentu nasaun ne’e. Depois misaun ne’e remata, ekipamentus ne’ebé uza durante tempu ne’eba hela nafatin iha Timor-Leste no uza ona to tinan 20 resin, Hau fiar katak prezensa doasaun ida simboliza ligasaun metin entre Timor-Leste no Japaun," Tenik Embaixador Japaun ba Timor-Leste, Dr. Tetsuya KIMURA
Embaixador ne’e akresenta katak, iha tinan hira ikus ne’e husi tinan 2020 to 2023 Governu Japaun halo ona parseria ho JDRAC, ONG ida ne’ebé harii husi Maioria Japoneza sira ne’ebé partisipa iha misaun PKO kona ba projetu ida atu forma individu timor-oan sira kona ba manutensaun no operasaun makina pezadus sira. Embaixador ne’e mos hetan oportunidade hodi observa treinamentu manutensaun no inspesaun iha Likisa, nia parte sei hanoin hikas ho momos funsionariu IGEADI.IP nian kumprimenta malu ho lia fuan "Goanzenni" iha lian Japones signifika " Hau deseju seguransa ba ita boot" no sira envolve bo’ot konaba futuru Dezenvolvimentu Infraestrutura Timor-Leste nian.
" Hau komprende katak ita boot balun iha ne’e ohin mak antigu estudante sira husi kursu formasaun nian, ka simu instrusaun husi antigu estudante sira. Hau sente kontente atu fornese makina pezadus ba foun sira ne’ebé mak badinas hadia sira nia koñesimentu no abilidade sira.
Embaixador ne’e hatutan makina pezadus ne’ebé povu Japaun oferese hamutuk 26 ho objektivu atu hasae nasaun nia prestasaun ba rekopesaun dezastre natural, inisiativa sira ne’e sei hametin Timor-Leste nia rezilensia hasoru dezastre natural, nia dehan Japaun iha komitmentu hodi apoiu Timor-Leste nia dezemvolvimentu no prontu lao hamutuk nafatin ho Timor-Leste.
Iha fatin hanesan Primeiru-Ministru (PM), Kay Rala Xanana Gusmão, agradese bá Governu no povu Japonés ne’ebé oferese ekipamentu pezadu sanulu (10), kompostu hosi mákina boot 6 no kiik 4 bá Governu Timor-Leste liu husi Institutu Gestaun Ekipamentus no Apoiu Dezenvolvimentu Infraesturturas, Institutu Públiku (IGEADI. IP).
" Agradese bo’ot ba Governu Japones ne’ebé oferese ona ekipamentus pezadus sira ne’e. Agradese ba povu Japanes oferse ho laran no la husu atu hetan buat ruma husi buat ne’ebé sira fo ," dehan PM Xanana Gusmão
Seremonia entrega ekipamentus pezadus husi Povu Japaun ba povu Timor-Leste partispa husi, Primeiru-Ministru Kay Rala Xanana Gusmão, Vise-Primeiru-Ministru, Ministru Koordenadór Asuntus Sosiais no Ministru Dezenvolvimentu Rurál no Abitasaun Komunitária, Mariano Assanami Sabino, membru Governu sira, Deputadus Komisaun E asuntus Infraestrutura, Embaixador Japaun ba Timor-Leste, JAICA, JDRAC, konsellu Administrasaun no funsionariu IGEADI.IP Tomak.
#Media_IGEADI,I.P.