His Excellency Prime Minister Kayrala Xanana Gusmão Orients IGEADI, IP team, to Collect the trash in the Capital Dili, Wednesday (19/12).
Dili, 19 Dezembru 2024 (IGEADI.IP) - Excelensia Primeru Ministru (PM), Kay Rala Xanana Gusmão, orienta Institutu Gestaun Ekipamentus no Apoiu Dezenvolvimentu Infraestrutura. Institutu Publiku (IGEADI.IP), hodi raut foer iha Kapital Dili laran durante loron rua.
Prezidente IGEADI.IP Dra. Ana Paula da Cruz, hateten, hafoin simu orientasaun husi Exselensia Primeru Ministru, Kay Rala Xanana Gusmão no Exselensia Ministru Obras Publika (MOP), Samuel Marçal, atu raut foer iha Dili, Konsellu Administrasaun IGEADI, ne’ebé lidera husi Prezidente hamutuk ho funsionariu tomak IGEADI ezekuta orden hodi tun direita ba terenu raut foer.
" ita hare katak Dili laran ne’e foer kuaze semana rua la foti, entaun liu husi reuniaun Konsellu Ministru (KM), Primeru Ministru husu Ministeriu hotu-hotu hamrik para hamos foer, tamba ne’e Ministru Obras Publika (MOP), orienta IGEADI atu fo apoiu masimu tamba IGEADI iha ekipamentus kompletu hodi uza raut foer, nune’e horseik no ohin hau orienta makina pezadus sira hotu-hotu tun hodi hamos foer iha Dili laran,Tenik Prezidente IGEADI.IP Dra. Ana Paula da Cruz, iha nia servisu fatin Kolmera Dili, loron Kinta-Feira (19/12/2024).
Prezidente IGEADI ne’e salienta, servisu raut foer ne’e laos IGEADI deit mak halo maibe akompaña mos husi Gabinete MOP kompaña lokal no Instituisaun ne’ebé tutela iha Ministeriu Obras Publika (MOP), nia okos.
" Pelumenus ita atu tama ba loron boot Natal no Tinan Foun, ita nia sidade ne’e mos, tamba iha fatin balun ita atu raut ne’e dodok no ular hotu ona, bainhira udan mai bele hamosu moras ba ita nia populasaun sira, tamba ne’e mak horseik ita hamos ona maibe seidauk mos, tamba ne’e ohin ita kontinua hamos," Tenik Prezidente IGEADI.
Prezidente ne’e hatutan, Gabineti (MOP) orienta IGEADI atu ba hamos iha parte Dili Leste hahu husi Bidau Kuluhun no Bekora, horseik IGEADI hamos iha parte Oeste hahu husi Rotunda Prezidente Nicolao Lobato, Beto, Bebonuk, Kampung Baru, Malinamuk, Aimutin, Delta, Manleuana, Surikmas no Bairo-Pite.
#Media_IGEADI, I.P.