K.A- IGEADI, I.P ho Ekipa Halo Audensia ho Komisaun E Parlamentu Nasional. Segunda-Feira(29/07).
Dili, 29 Jullu 2024 (IGEADI.IP) - Institutu Gestaun Equipamentus no Apoiu Dezenvolvimentu Infraestrutura. Institutu Publiku (IGE-ADI. IP), lidera husi Dra. Ana Paula da Cruz, akompaña husi Vogal Adelina de Andrade no Vogal Almerio C Caeiro Alves, no Diretor NSC Diamantino Carvalho no ekipa halo audensia hodi aprezenta Planu IGEADI.IP ba Deputadus Parlamentu Nasional Komisaun E Asuntus Infraestrutura.
" Ohin IGEADI.IP mai halo audensia hodi aprezenta planu ba Parlamentu Nasional (PN) Komisaun E Asuntus Infraestrutura, kona ba loke formasaun ba operadór, Sertifika no fo lisensa ba operadór sira, entaun buat tolu ne’e sai pakote ida, ezemplu husi sertifikasaun hanesan ne’e, ita nia operadór sira balun mai husi rai liur, atu halo servisu iha rai laran IGEADI.IP tenki sertifika sira para pelumenus reseita ne’e ba Estadu," dehan Prezidente IGEADI.IP Dra Ana Paula da Cruz, ba Jornalista sira iha PN bainhira remata aprezenta Planu ba Komisaun E Asuntus Infraestrutura.
Prezidente IGEADI.IP ne’e sente triste tan tinan rua-nulu ba kotuk ema sira ne’ e tama mai halo deit servisu no la lori reseita ba Estadu, afinal ida ne’e bele fo reseita bo’ot ba Estadu, tamba ne’e IGEADI.IP iha planu ida atu loke formasaun inklui sertifika no fo lisensa ba operador sira hodi hatama reseita ba kofre Estadu.
Iha fatin hanesan, Prezidente Komisaun E, Deputadu Marcos Xavier hateten Komisaun E konkorda ho planu sira ne’e no rekomenda bá IGEADI.IP, tenki haree lai Lei ne’ebé mak atribui bá IGEADI.IP.
" Komisaun E husu IGEADI.IP atu hare nia kompeténsia ne’e to’o iha ne’ebé no Parlamentu Nasional konkorda ho IGEADI.IP nia planu atu labele gasta deit osan maibe IGEADI.IP mos iha retornu atu hatama osan ba kofre Estadu," dehan Prezidente Komisaun E, Deputadu Marcos Xavier.
#Media_IGEADI, I.P.