Prezidente IGEADI, I.P Akompanha Membru F-FDTL Nain 10 Ne’ebe Mak Hahu Halao Sira Nia Pratika Opera Makina Pezadusiha Terenu. Kinta-Feira(19/09).
Dili, 09 Janeiru 2024 (IGEADI.IP) - Membru FALINTIL-Forsa Defeza Timor-Leste (F-FDTL) nain 10 neebe tuir formasaun iha Institutu Gestaun Equipamentus no Apoiu Dezenvolvimentu Infraestrutura, Institutu Publiku (IGEADI.IP), hahu pratika opera makina pezadus.
Liu husi nia intervensaun Prezidente IGEADI.IP Dra Ana Paula da Cruz, hateten membru F-FDTL nain 10 neebe tuir formasaun iha IGEADI.IP durante fulan haat nia laran, atu sai operadór ba makina pezadus, hahu pratika direita oinsa opera makina pezadus.
" hanesan ita hotu hare katak membru F-FDTL sira ida-idak, iha ona makina leten, sira komesa opera makina, Grader komesa halo nia servisu, Excavador halo nia servisu, Bulldozer no Vibro komesa halo nia servisu, pratika nee too semana ida depois grupu B mai fali hodi pratika."
" membru F-FDTL neebe agora dadaun IGEADI oferese formasaun etapa primeiru kompostu husi ema nain 10, IGEADI sei akompaña nafatin too 31 Dezembru 2024, iha nee ami bele hatene ona ida neebe mak bele no ida neebe mak seidauk bele, seidauk bele ami sei akompana nafatin too sira hatene," tenik Prezidente IGEADI.IP Dra Ana Paula da Cruz, iha Postu Administrativu Laleia, Munisipiu Manatutu, Kinta-Feira (19/09/2024).
Prezidente IGEADI nee hatutan, Konaba formador mai husi IGEADI no Kompañia LICENSING Unipessoal LDA, neebe servisu hamutuk IGEADI, aleinde fo formasaun sira mos sei sertifika formandu sira, tanba nee IGEADI sei servisu hamutuk ho Ministériu Defeza para etapa segundu oferse tan ema nain 10 hodi tuir formasaun.
Aktividade pratika opera makina pezadus, realiza iha Postu Administrativu Laleia, Munisipiu Manatutu no akompaña direita husi Prezidente IGEADI.IP Dra.Ana Paula da Cruz, Vogal Adelina de Andrade, Diretor NSC, Diamantino Carvalho no Xefe Departamentu Logistika, Elder da C Ximenes.
#Media_IGEADI, I.P.