IGEADI, I.P. Normaliza Hela Dalan Alternativu Iha Tasi-Tolu Ne’ebe Uja ba Servisu Emerjensia, Kinta-Feira(5/09).
Tasi-Tolu, 05 Setembru 2024 (IGEADI, I.P.) - Relasiona ho Vizita Sua Santidade Papa Francisco mai Timor-Leste, nune estrada iha Kapital Dili sei taka total hahu husi dia 9, 10 to 11 Setembru, nune Institute Gestaun Equipamentus no Apoiu Dezenvolvimentu Infraestrutura, Institutu Publiku (IGEADI.IP) halo normalizasaun ba estrada Tasi-Tolu, iha Aldeia 12 Outobru, Suku Komoro, Postu Adminitrativu Dom Aleixo, Munisipiu Dili, hahu husi Pontu entrada Tasi-Tolu ba Maslidun mosu iha Rai-Kotu Bandido Qualidade Motor nia sorin.
Objetivu husi halo normalizasaun ba estrada nee atu prepara estrada emergensia ba Ambulansia sira, hodi transfere pasiente sira husi Munisipiu Bobonaru, Ermera no Likisa mai Dili, hodi halo tratamentu iha Hospital Nasional Guido Valadáres.
Iha prosesu normalizasaun ne akompaña direita husi, Prezidente IGEADI.IP Dra. Ana Paula da Cruz, Vogal Adelina de Andrade, Xefe Departamentu Ofisina, Afonso Maria Lui, Xefe Departamentu Ekipamentus, Luis da Costa Conceiçao no Xefe Brigada Sebastião Gomes, António Sarmento.
#Media_IGEADI, I.P.