Prezidente IGEADI, I.P Simu Dokumentus Rai Ne’ebé mak Komunidade Dotik Entrega. Sexta-Feira(14/06).
Dili, 14 Junu 2024 (IGEADI.IP) - Komunidade Suku Dotik, Postu Administrativu Alas, Munisipiu Manufahi entrega rai hektares tolu ba Institutu Gestaun Equipamentus no Apoiu Dezenvolvimentu Infraestrutura. Institutu Publiku. (IGEADI.IP), hodi hari kampaun IGEADI.IP Brigada Rosa Muki Bonaparte.- Komunidade Suku Dotik, Postu Administrativu Alas, Munisipiu Manufahi entrega rai hektares tolu ba Institutu Gestaun Equipamentus no Apoiu Dezenvolvimentu Infraestrutura. Institutu Publiku. (IGEADI.IP), hodi hari kampaun IGEADI.IP Brigada Rosa Muki Bonaparte.
Liu husi nia intervensaun Xefe Suku, Adelino da Costa, hateten, Komunidade Dotik deside ho voluntariu entrega rai hektares tolu ba IGEADI.IP atu sai hanesan kampaun IGEADI.IP hodi rai ekipamentu pezadu IGEADI.IP nian hodi responde ba kestaun emerjensia sira iha Ainaru, Manufahi no Manatutu.
"Ohin Komunidade hosi Suku Dotik entrega rai hektares tolu ba IGEADI.IP hodi sai hanesan kampaun ba IGEADI.IP ho naran Brigada Rosa Muki Bonaparte atu IGEADI.IP bele tau sira ekipamentu pezadu atu nune’e bele halo intervensaun lalais ba situasaun emerjensia sira akontese iha Manufahi, Ainaro, Manatutu, sira bele responde no ita labele hein tán,” tenik Adelino da Costa iha nia intervensaun durante serimónia asina akordu hodi entrega rai hektares tolu ba IGEADI.IP iha Suku Dotik Postu Administrativu Alas, Munisipiu.Manufahi Sesta (14/06/2024).
Nia hatutan, kampaun IGEADI presiza estabelese iha Manufahi atu bele halo intervensaun lalais hodi normaliza estrada, ponte no estrada ne’ebé estraga iha Manufahi, Ainaro, Manaututu inklui iha Viqueque.
Iha fatin hanesan, Prezidente Autoridade Munisipiu Manufahi, Luis Marcal da Costa, hateten, Suku Dotik hahú hatudu ezemplu ba munisipiu sira seluk katak dezenvolvimentu ne’e hahú hosi ita no nia ita iha obrigasaun atu kontribui mak dezenvolvimentu foin la’o.
"Ho atribuisaun rai ba IGEADI hau louva no agradese ba komunidade Dotik ita boot sira hatudu ezemplu diak ba ita hotu-hotu katak dezenvolvimentu ne’e laos ema ida nia responsablidade maibe ita hotu nia responblidade" afirma nia
Nunee mós iha fatin henesan, Prezidente IGEADI.IP Dra. Ana Paula da Cruz hateten, atribuisaun rai husi Komunidade Suku Dotik ne’e nudar ezemplu diak ba komunidade munisipiu sira seluk tanba Manufahi konsidente katak povu presiza kolobora ho estadu atu dezenvolve Timor-Leste.
" Buat ne’ebé Komunidade Suku Dotik halo ne’e nudar ezemplu diak ba munisipiu sira seluk, ida ne’e hatudu katak sira hakarak kontribui ba dezenvolvimentu," dehan Prezidente IGEADI.IP
Nune’e mós Ministru Obras Publika, Samuel, mós apresia ho komunidade Suku DotiK nian inisiativa hodi oferese rai hetares tolu ba IGEADI.IP
"Komunidade Dotik ita boot Sira sai ezemplu ba munisipiu sira seluk, Manufahi oan sira tenke mantein nafatin ida ne’e katak dezenvolvimentu ne’e laos iha ema ida ka rua nian kontribuisaun. Maibé dezenvolvimentu ne’e presiza hosi komunidade sira ema hotu nia kontribuisaun, ida ne’e mak foin nasaun dezenvolve ho diak", Dehan Excelensia MOP Samuel Marçal.
Entertantu seremonia entrega rai husi Komunidade Suku Dotik, partisipa husi Exçelensia Ministru Obras Publika (MOP), Samuel Marçal, Sekretáriu Estadu Toponímia Germano Santa Brites Dias, Prezidente Autoridade Munisipiu Manufahi, Luis Marcal da Costa, Konsellu IGEADI.IP, Autoridade Lokal Postu Administrativu Alas, Administrativu Fatuberliu, Komandu PNTL Munisipiu Manufahi no komunidade sira.
#Media_IGEADI, I.P.