I. Kona ba IGEADI, I.P.

IGEADI, I.P. mak Instituto de Gestão de Equipamentos e Apoio ao Desenvolvimento de Infraestruturas, Instituto Público iha Timor-Leste. Nu’udar pesoa koletiva ida hosi direitu públiku, no personalidade jurídika, autonomia administrativu ho finanseiru no patrímoniu rasik, nune’e mos atuasaun sira ho tutela no superintendesia ba Ministro responsavel ba área Obras Públikas iha Timor Leste.

II. Funsaun e Atribuisaun Prinsipal sira:

IGEADI, I.P. halo serbisu importante iha dezenvolvimentu no manutensaun ba infraestruturas iha Timor-Leste, ho funsaun principal sira inkluí:

  1. Jestaun Ekipamentu Pezadu: Responsavél ba jestaun, explorasaun no konservasaun veíkulu pezadu, mákina no ekipamentu sira ligadu ba Obras públikas.
  2. Apoiu ba Dezenvolvimentu Infra-estruturas: Fo apoiu tékniku no operasional ba dezenvolvimentu no manutensaun infra-estruturas, inkluí:
    • Manutensaun vias rodovíarias: Halo servisu manutensaun, reabilitasaun no konstrusaun Estrada temporaria sira
    • Desassoreamentu no limpeza rios no mota sira: Kontribui ba prevensaun cheia no manutensaun fluxu be'e nian.
    • Estabilizasaun marjens no taludes: Halo atuasaun iha protesaun ba área vulneravel sira ligadu ho deslizamentu hosi rai no erosaun.
  3. Apoiu Ministru Obras Públikas: Apoiu Ministru iha formulasaun polítikarelasionadu ba explorasaun no konservasaun veíkulu no ekipamentu pezadu
  4. Responde ba Situasaun emerjensia: Prepara ba atua iha situasaun emerjensia ne’ebe afeta ba infra-estruturas, hanesan reparasaun ba Estrada no ponte ne’ebé estragu hosi inundasaun no seluk tan
  5. Formasaun: Fasilita formasaun ba Timor-oan sira ligadu ho uzu ekipamentu risk a’as
  • VIZAUN
    1. Iha Planu estratéjiku hodi halo jestaun ne'ebé efetivu no efisiente atu hadi'ak servisu atendimentu públiku ne'ebé aliña ho polítika dezenvolvimentu Nasionál.
    2. Iha sistema kontrolu adekuadu ba utilizasaun patrimóniu instituisaun nian no patrimóniu hosi doadores sira hodi hadi'ak produtividade servisu no lukru ba Estadu
    3. Halo poupansa ba orsamentu estadu no kria demanda rasik hodi hetan reseita
    4. Formasaun espesífiku, sistema sertifikasaun no Lisensiamentu rasik ho rekoñesimentu internasionálmente hodi prodúz operadór kualifikadu. Nune'e, bele hatan ba nesesidade nasionál no demanda iha ra'i li'ur.
  • MISAUN

Garante Funsionamentu ba utilizasaun ekipamentus pezadu sira no maximiza patrimoniu estadu tuir lei haruka. Nune'e, bele oferese servisu atendimentu tuir politika Governu no artikulasaun administrasaun hosi instituisaun sira seluk.